Anta Pada Marampa'
Cipt. Demianus Deppasere
Indo' Ambe'ku
Siulu' Solanasang
Mekatabe'kan mati'
Umparampo sarroki
lako batang kalemi
Ref :
Kipalaku Mati'
Pangngandoankan
Anta Pada Marampa'
Unnolai katuoanta
Lante lili'na lino
Kipokada totemo
Lamale Pakanni
Undaka' Katuoanki
Lako tondokna tau
Tondok laki rampoi
Mabanda' Penangki
Untampean tondokta
Belanna katuoan
Umpana'ta'kan male
Lako tondokna tau
Kada Turu’
Cipt. Daniel Pole
Mala’bi’ kesipulungngi tu rapu
Maelo’ kesirendenni tu
rara’
Napomarendeng Pa’rapuan
Napo matoto’ rampangan kapa’
Ref:
Mala’bi’ko anta pada mala’bi’
Maelo’ko anta pada maelo’
Tasikamali’ sola nasang
Lan kulambunna’ Penawa masallo
Kedenni tu kada Tibiang Bingnga’
Tubisara Tilempak pamisakan
Parokkoi ba’ta’na padang
Tapalulunni ampa’ malusa
Kediona tampakna telino
Tubiringna tasik kalua’
Pa’peanna’ sanglamba’ dodo
Tusiayun kada kaboro’
Naposakka’i tuara’ku
Keallo sia kebongi
Unnolai tekatuoan
Sisola rendeng kaboro’ku
Tang pa’de tu rannuangku
Laku mintu’ sangsiuluran
Tutomisa’ parandangan
Lan pa’rapuan marendeng
Tontongki’ sikulambu taruno
Anta manda’ sideken lengo lengo
Tapamasallo’tu penaanta
Anta sibentu kada peada
Kada turu’tu tatoe
Lante kombongan masakke’
Unnarra’i pa’ rapuan
Pepeorinna kasirampunan
Bua’ Rika Ladiapa
Cipt. Demianus Deppasere
Minda laku bentu sarroku
Ooo oh.. Rendengku
Angga pa’di’ dio kaleku
Siulu’ku.......
Laku tangnga’ umba susi
Angku masannang
Ref:
Bua’rika ladi apa
Keiamo Dalle’ku
Kenna susira senga’na
Ooo oh.. Rendengku
Kususi dassi ma’pani’
Siulu’ku
Laku tiaran tumale
Angga Pa’di’ku
Mui Umba di pasusi
Ooo oh.. Rendengku
Mintu’pa’di penaanta’
Siulu’ku.....
Sarro lako diomai
Tangdi pura
Laku patumbari dikka’
Ooo oh.. Rendengku
Umbai nangla dalle’ku
Siulu’ku...
Umbai pesukaranku
Mase Penawa
Kenna susira senga’na
Ooo oh.. Rendengku
Bintoen daoulu langi’
Siulu’ku...
Launronnosan kalena
Unsolanna’
Tangrapa’ penaanku
Ooo oh.. Rendengku
Untangnga’ sara’na lino
Siulu’ku
Ladi Patumbari dikka
Tang Palambi’ki
Kenna Marante Telino
Cipt. Demianus Deppasere
Na alla’ki tasik kalua
Sola tanete kalando
Anta tang sitiro lindo
Lante kapassolleranta
Ref:
Kenna marante telino
Kenna lappa’ tanete
Sisolaki’ Bongi, Allo
Urrambanan petawa
Podo petawa mubenna’
Sola pa’kidi’ matammu
Umbai mukua omi
Lasule mo’ memboko’i
Tangliu liu pa maliku
Tang rosso patu penawa
Umbai nakua andi’
La memboko’ todamo
Belan belan pako andi’
Anta pada belan belan
Umbai umbapi attu
Anta sile’to allonan
Andi’ mataku’ tigiang
Dio tu randanna langi’
Manda’ sia tukadanmu
Ku allonni bongi allo
Kema mali’ mali’ oko
Ketiliu tu ara’mu
Umbai pakatu ko sura
Lako manukna pangngala
Kenna Susi Tu Senga’na
Cipt. Demianus Deppasere
Itinko tondok toraya
Angku la’inde’ temai
Da’mi kua lalembemi
Matotangngia-ngia
Iake to’doi uai uran
Dao patunna tondokta
Umbai uai matanku
Umparampo mali’ku
Ia ke kukulalai lenni
Kesitammu sibayo lindoki’
Tangrapa’ dikka’ penaanku
Tang mamma’ allo bongi
Bara’ dannari ma’bisik
Unsakka’i pa’perangingku
Mangngiri’ bara’ karuen
Ulassui lan penaanku
To’do tarampak sipissan
Susi parannungku tanglako
Susi sarambu sikore
Umbai penaanku lumati’
Ia ke simamali’ loko
Mentiroko lanngngan bulan
Anna sitammu matanta
Illan parrangna bintoen
Kenku tang masiri’ ora
Umbarrakan tumangi’ku
Lako mintu’ sangbara’ku
Kekukilalai kaboro’mu
Kunanna kada tapo kada
Tontong kupalan penaanku
Piran ladi olai lako
Ladi turu’ sola dua
Penawa Melo
Cipt. Demianus Deppasere
Tabe’ indo’ tabe’ ambe’
Tabe’ mintu’ sola nasang
Laki tu tongkonan ada’
Sisola pangngulu kada
Penawa melo kuampa’
Lako tondokna tau
Ki ma’kurre sumanga’
Ki lama’ pole paraya
Kami inde pia toraya
Diolu padangna tau
Dentu kada di pokada
Lante kapa’ londeanki
Kenden sala kipokada
Lamensimankanni dolo
Benkanni pa’pakilala
Kimaningo marampa’
Mambela dikka’ tondokki
Tu tondok kadadianki
Membanua tondon lalan
Tu ma’tondok tokumila
Banua di rinding rea
Tu papana daun banga
Keden tau mallo ara’
Penawa mase masena
Da’dikka’ mikabillanan
Lako kami to mambela
Rampokan messaro mase
Unnampa’ penawa melo
Ta’de Rupa
Cipt. Lolo Pangli, SH
Kuissan sia ku tandai siulu’
Kuissan sia ku tandai
Ka’tu mo rannuan rapu
Lako batang di kaleku siulu’
Lako batang di kaleku
Saba’ lendok pasananku
Tangdiomai penaangku siulu’
Tangdiomai penaangku
Tang ungkilalai tondokta’
Bua’ rika dipatumba siulu’
Bua’ rika dipatumba
Maparri’dikka’ tuoku
Kutambuk sia allo bongi siulu’
Kutambuk sia allo bongi
Pepasanna Pa’rapuan
Tontong laku kilalai siulu
Tontong laku kilalai
Tondok kadadian ku
Mui ta’de mo rupanku siulu’
Mui ta’de mo rupanku
Keden kasirampunan
Da’mi bunianni rara buku siulu’
Da’mi bunianni rara buku
Lako taruk bulawanku
Lillingala’ mora duka siulu’
Lillingala’ mora duka
Launrangngi tu sarroku
Ke allo sia kebongi siulu’
Ke allo sia kebongi
Lan lino kamaparrisan
Anta pada tu masakke siulu’
Anta pada tu masakke
Makarudinding sola nasang
Susi anginna dannari siulu’
Susi anginna dannari
Ussakka’i penaanku
Mamasena mora puang siulu’
Mamasena mora puang
To mesorong tama lino
Namembura rakka’ Sangpuloku siulu’
Namembura rakka’ sangpuloku
Angku passan passananku
Lalan Mambela
Cipt. Demianus Deppasere
Malekan katondok tondok
Tu lako tondokna tau
Umbai torro tondokki
Tu kipessala salai
Ref:
Maparri’ lalan mambela
Tu sumanga’ randan langi
Malekan summaro padang
Mekaindo tu to’kayu
Tang indo’ki tang ambe’ki
Angki lainde’ te mai
Umbai angin mangngiri’
Launtiarankan sae
Mui bulawan kuampa’
Tu lako tondokna tau
Umbai tangku papada
Tu tondok kadadianku
Susikan donga di lamba’
Tumanuk dikasukaran
Tu ma’pio’ pio’ tongan
Ke lalambummi tuallo
Kenden uran lendu’ mati’
Tu un to’doi ampa’na
Daun kayu perindingna
Belundak tu pelulunna
Lembang Sura’
Cipt. N.N
Garagangki' lembang sura'
Lopi di maya-maya
Latanai sola dua
Umpamisa' penawa
Reff 2:
Ke denni angin mangiri'
Bara' ti liu-liu
Umbai manda'ki dao
Sideken lengo-lengo
Reff 1:
Bassing-basingna Toraya
Sulingna to Pabora
Umba'i ladi papada
Dipasiala oni
Allonni ko batu pirri'
Batu tang polo-polo
Umba'i polori batu
Nala polo inawa